When rebel Tam was in the pit
He tholed the very pangs o' Hell
In fechtin' for the rights o' Man,
And ga'e nae thoucht unto himsel'.
"If I was in Parliament,
By God!" he vowed, "they soon would hear
The trumpet-ca' o' Revolution
Blastin' in their ear!"
Noo he is there, back-bench Tam,
And listens daily to the farce
O' Tweedledum and Tweedledee,
And never rises off his arse.
Visit ann arky's home at www.radicalglasgow.me.uk